Bød opp Marie (95) til dans
Marie Gorseth, 95 år, svingar seg i dansen!
Med hatt og stokk i pensjonisthuset på Løkken.
17.03.2016 - Jan Are Melgård
Kategori: Kultur
Den beste underhaldninga vi har opplevd på lange tider, var utsagn etter at Den kulturelle spaserstokken besøkte pensjonisthuset på Løkken tirsdag med forestillinga «Med hatt og stokk».
Tre artistar, Håkon Skogstad (piano) og Lars Eggen og Nina Sæterhaug, song, dansa og gjøgla seg gjennom kjente musikkperler med tema hatt og stokk frå revyar, musikalar og operaer som «Flaggermusen», «Cabaret», «Annie get your gun» og «Mary Poppins», og både Ernst Rolf og Alf Prøysen var godt representert i presentasjonen!
Begeistringa tok heilt av da Lars Eggen baud opp Marie Gorseth til dans, og 95-årige Marie tok i mot invitasjonen og dansa til og med swing!
Denne forestillinga vil dei tretti på publikumsplass leve lenge på!
Tekst og foto: Mildrid Nesheim
